26/03/2009 (17:12)

YENİ NƏSİL AZƏRBAYCAN KOMMUNİST PARTİYASI

   YNAKP ideya-siyasi cərəyan olaraq 2005-ci ilin fevralından mövcuddur; o vaxtki biz dərk etdik ki, Azərbaycanda kommunist hərəkatını Sovet dövründən qalma bürokrat ənənələri və yaşlı elektaratla irəli aparmaq mümkün deyil, o vaxt biz anladıq ki, mövcud kommunist qruplaşmaları əslində prezident aparatından idarə olunan tələlərdir, hansıki kommunist elektaratı «zərərsizləşdirmək» üçün qurulub, onda biz bu tələdən uzaqlaşmağı və rejimin nəzarətində olmayan, prezident aparatının idarə edə bilməyəcəyi ortodoksal marksist təşkilat qurmağı yəqin etdik. Bu baxımdan YNAKP kommunist hərəkatının prezident aparatının kontrolundan çıxmaı və müasir Azərbaycan tarixində ilk dəfə olaraq kapitalist rejimə və onun konkret ifadəçisi olan mövcud ekspansiv-komprador burjua (işğalsı-satqın) hakimiyyətinə qarşı açıq radikal kommunist müxalifətin yaranması demək idi. Bu hələ ancaq hakimiyyətin nəzarətindən çıxmaq deyil, bu həm də portretlərə sitayiş edən köhnə bürokrat ənənəçiliyindən qopmaq, yeni işlək, dinamik, mövcud reallıqlarla səsləşən gerçək təşkilatlanmanın praktiki nümunəsiydi.
    2005-2007-ci illər YNAK fəaliyyətində dərnəkçilik mərhələsi oldu. Bu zaman «Çağırış» qəzetinin redaksiya heyəti əsasında Niyazi Rəcəbovun rəhbərliyi ilə ilk təşkilati özək yaradıldı. 2008-ci ilin əvvəlindən etibarən isə Yeni Nəsil Kommunist Hərəkatı özünün dərnəkçilik dövrünü başa vurub siyasi partiya kimi təşəkkül və təşkilatlanma mərhələsinə qədəm qoymuşdur.
    İndi YNAKP-nin timsalında əmək cəbhəsinin kapitalizmə və onun siyasi təsisatlarına qarşı mübarizə aparan gənclərdən və yetişən Yeni Nəsil Kommunistlərdən ibarət partiyası, avanqard zərbə qüvvəsi mövcuddur.

Məqalə 985 dəfə oxundu