|
26/03/2009 (17:26) Kommunistlər Azərbaycanın dahi siyasi xadimi Nəriman Nərimanovun ad gününü qeyd etdilər
14 aprel 1870-ci ildə Tiflis şəhərində doğulmuş böyük şəxsiyyət, dahi dövlət xadimi N.Nərimanov Azərbaycan Kommunist Partiyası, Azərbaycan Sovet Sosialist Respublikasının ilk rəhbəri olmuşdur. Xalqınmızın maariflənməsində, öz anadilində təhsil almasında böyük zəhmətləri olmuşdur. Ölməz rəhbərimizin 138-ci ildönümünü partiyamız ilk Nəriman Nərimanovun büstü önündə qeyd etmiş, sonra isə dahi rəhbərin adını daşıyan prospektdə yerləşən heykəli önünə gül çələngləri qoyulmuşdur. Nəriman Nərimanov vətənimizin azadlığı yolunda canını fəda etmiş, dilimizin və mədəniyyətimizin qorunmasında əvəzsiz rolu, şərq xalqlarının azadlıq hərəkatının yaranmasında xidmətləri olmuşdur. Nəriman Nərimanov həkim, müəllim, ədib, siyasi xadim, inqilabçı və s. olmaqdan əlavə böyük qəlbli insan olmuş, kasıb-füqarə əhlinin hüquq və azadlıqlarını müdafiə etmiş, bu mübrizəyə ömrünü sərf etmişdir. Nəriman müəllimin Nümunəvi Müstəqil Sosialist Azərbaycanı şüarı bu gün də aktuallığını itirməmişdir. Nə qədər ki biz varıq, nə qədər ki istismar var, Nəriman müəllimin kimi qəhrəmanların ölkəmiz üzərində qaldırdığı albayaraq enməyəcək!
Yaşasın Kommunist Partiyası! Nümunəvi Müstəqil Sosialist Azərbaycanı uğrunda İrəli!
|
