10/04/2009 (13:35)

Çağırış qəzeti

   Çağırış qəzeti 2005-ci il martın 10-da Mübariz Əsgərovun baş redaktorluğuyla nəşrə başlamış və son 18 ildə ölkədə ayda bir dəfə olmaq şərtiylə davamlı surətdə çıxan, həm ölkədəki mövcud kapitalist rejimə, həm də kommunist partiya və təşkilatların rəhbərliyini qəsb etmiş qeyri-sağlam qüvvələrə qarşı radikal müxalifət mövqeyiylə çıxış etmiş ilk və yeganə kommunist mətbu nəşri olmuşdur. Qəzet müasir Azərbaycan reallığına kommunist ideologiyasının prizmasından təhlili və tənqidi yanaşmış, ölkədə islahatlar adı altında əslində sadə vətəndaşlara qarşı dövlət səviyyəsində aparılan sosial genosid siyasətinə qarşı öz kəskin mövqeyininümayiş etdirmişdir.
    İlk öncə missiyasını ölkədəki sağlam qüvvələrin (sol cəbhədə) birləşdirilməsində görən və bütün sağlam düşüncəli kommunistləri birliyə, birləşməyə və kapitalist rejimə qarşı açıq mübarizəyə səsləyən Çağırış 2005-ci ilin ortalarından sol cəbhədə yeni bir axının – Yeni Nəsil Azərbaycan Kommunistlərinin ruporuna çevrilməyə başladı. Redaksiyanın kollektivi ilk təşkilati özək şəklində təşkilatlanmağa başladı. Çağırış həm təbliğatçı, həm də təşkilatçı oldu. Redaksiya təməlləri üzərində yeni təşkilatın sütunları ucalmağa başladı.
    2007-ci ilin sentyabrında qəzet maliyə çətinlikləri ucbatından öz fəaliyyətini müvəqqəti olaraq dayandırsa da yaxın vaxtlarda onun təkrar, həm də yeni əsaslarla (plakatlar və illüstrasiyaların zənginliyiylə) bərpası nəzərdə tutulur. Qəzetin lokal internet versiyasının yaradılması məhz Çağırışın 2-ci dəfə mübarizə meydanına qayıdışının bariz nümunəsidir.

Məqalə 793 dəfə oxundu